كان الفنان القامة النور الجيلاني ومعه عدد من الاطفال الجميلين يتغنون باغنية قبضوني ليه جابوني ليه عاوزني أعمل ايه هنا
وكان كل الشعب السوداني ينتظر يوم الجمعة برنامج جنة الاطفال الذي كان يوحد كل الشعب السوداني
وظلت الاغنية محفورة داخل كل طفل سوداني يتغنون بها في المدارس وفي الكرنفالات لانها تحتوي على قيم ومعاني راسخه
مااجمل الماضي بزكرياته
نتمني. ان تستمر مثل هذه الاغاني والبرامج الطفولية الممتعة التي تظل خالدة
شكرا” جزيلا” النور الجيلاني علي هذا الإبداع ورسمة الضحكة في اوجه اطفال السودان
كلمات الاغنية
خواطر فيل
اداء : نور الجيلاني
قبضوني ليه جابوني ليه
عاوزني أعمل ايه هنا
ختوني في قفص كبير
جابوني مسجون ليه أنا
أنا ما عملت هناك شيء
بيه اتسحق هذا العناء
ما عرفت قط في دنيتي
غير اللعب والشيطنة
قبضوني ليه جابوني ليه
حرموني من طعم الهناء
أمي العزيزة هناك تكوس
ما عارفة أبداً وين مشيت
زي عادتي كلما اختفيت
المرة دي الموضوع خطير
في حياتي مثله أنا ما رأيت
قبضوني زي مجرم كبير
ما قدرت أزوغ حد ما جريت
قبضوني ليه جابوني ليه
حبسوني ليه أنا ما دريت
خالفت أمي قعدت أحوم
جاهل الأمور الخافية
قبضوني جابوني الحبس
حرموني خيرات وافية
يا يمة وين نلقى الشجر
وألقى المياه الجارية
وألقى الصحاب نلعب سوى
في صحة طيبة وعافية
قبضوني ليه جابوني ليه
حرموني تلك الحياة الصافية
