محمود النبوي.. العشق بين الرجولة والكرامة والوفاء
يقدم الشاعر الصاعد محمود النبوي قصيدة بالعامية المصرية، يرسم فيها ملامح الحب الحقيقي من وجهة نظره، حيث لا يقتصر العشق على الكلمات الرومانسية، بل يمتد إلى الاهتمام والاحتواء وتحمل المسؤولية والوقوف بجانب من نحب وقت الشدة.
ويؤكد النبوي أن الرجولة الحقيقية تظهر في المواقف، وأن الحب الصادق يجمع بين الحنان والوفاء والكرامة، مع التأكيد على أن الاحترام المتبادل أساس استمرار أي علاقة ناجحة.
وفيما يلي نص القصيدة:
أيوه بحبك وبكل أمانه
مستني العشق يكون
يمشي بين الوريد ع طول
يسرح جوانا
ماشي طريقك وأنا كلي إيمان
بأنك ضهر وسند وسلام
الراجل مننا لو حب
عشقه يبان في نظرة عين
يديكي عينه الاتنين
ولا يكفي
يفضل يقدم في اهتمام وحنين
ولا يوفي
هتبقي دايمًا مسؤوليته
مركز معاكي سايب بيته
يعني نفسه وكيانه وشغله وماله ع جنب
شايفك أهم
يركن مشاغل كلها بالكوم فوقيه
يسهر عشانك ليل طويل
فرحته بدق قلبه
ضحكته عالية وجميلة
لو دورتي جواه منه اتجاهك
هتلاقي مشاعر غالية وكبيرة
الخلاصة الراجل لو حب
يا بختك بيه
لو حب بجد النور ليكي ومفيش بعديه
أنا بوصف إحساسي اللي بجد
يا ريت تقدريه وتصونيه
بان بحبك وإنك حلم
لو بس أذى لمسِك
هقلب السقا في مشهد فيلم
شفيقة طلعت عين تيمور
بس وقت الشدة كان ليها بطل
حارب بنفسه وقال هي
لم حس بالخوف في عيونها
مستسلمش لدور الضحية
واللي زينا كتير كتير
يعرفوا يحبوا ويصونوا بضمير
سيبك من الشنبات الخيبانة
اللي ع الميديا تركع بخاتم عشمانة
قال إيه توافق
ده إحنا الرجولة عز وكرامة
هيبة بصحيح لم نحب
نشوفك وطن
تسيل دمنا لأجل الحماية
وتعيش حرة في هوانا
يا بت العز وبت النيل
أنا راجل بعشق وبلين
وقت الجد لو بس قلبتي
لا بعرف أكون ضحية ولا مسكين
هتصوني هصون
وكلام معسول
هتقولي سلام
هقولك بالخير بالأيام
لا هدمع ولا أعيش الأوهام
اللي تقدر راجل تبقى
واللي تقلل منه يسيبها
مهما العشق وحب القلب
كتر
مش هيعجزني سلامك
لو حتى القلب كبر
محمود النبوي.. شاعر صاعد يعبّر عن الحب بلغة الشارع المصري، ويطرح رؤيته للعلاقة التي تجمع بين العشق والاهتمام والكرامة، مؤكدًا أن المشاعر الصادقة لا تنفصل عن الاحترام المتبادل، وأن الحب الحقيقي يظهر في الأفعال قبل الكلمات.
