كتبت: فاطمة عاشور
نفت أسرة الشاعر الكبير الراحل عبدالرحمن الأبنودي نسبة قصيدة (عايزة إيه يا شاطرة قولي) إلى الخال عبدالرحمن الأبنودي
جاء ذلك في تصريح خاص من ابنته اية الأبنودي، للمنتج الإعلامي علي الريفي رئيس مجلس إدارة إحدى شركات الإنتاج الإعلامي الكبرى وجاء ردها على كلمات القصيدة بالاتي (مساء الخير
القصيدة ليست من تأليف والدي عبد الرحمن الأبنودي لكم خالص التقدير والإحترام)
وبالبحث تبين أن مؤلف هذه القصيدة هو الشاعر اللواء محمد هيكل وقد تم نشرها للمرة الأولى بتاريخ 22مارس 2022، وتناقلتها العديد من الصفحات على وسائل التواصل الاجتماعي وتقول كلمات القصيدة :
عـايزه إيه …… يا شاطـره قولي
يا ام قلـب و سِــنه …….. فضـه
عايـزه كيس كاراتيـه .. و نوجـه
و نص حِنــه ……… و ربــع رَدّه
عايـزه …… كيس رابسو يا عمو
يغسـل .. القلب …… اللي صدى
عـايزه قرطاس … لب ….. عاده
و قرطاسين … طيبـه .. وسماح
عـايزه …. بودره …… للسعــاده
و عــايزه .. مسحوق …. للجراح
عـايزه بمب .. جديد … و أصلي
لســه .. طـــازه …… من يومين
ينسف .. الفقـــر …… و دموعـه
من … عيــــون ….. المحرومين
عـايزه …. كــــرمله …. و توفـي
عـايزه … مصـــاصه … و لبـــانه
عـايزه … خلق … جــديده نوفي
عمـرهـا … ما داقـت …. خيــانه
عـايزه .. كاستيـلا …. و قـازوزه
و تُمن زهــره ……… لـ الهـــدوم
عايزه قلب …… ف وقت عـوزه
طيبتـه ……….. أكتـر م اللــزوم
عـايزه .. كيلــو …. جبنــه بيضـا
و إبرتيــن … تسلـيك ….. وابـور
يسلّكــوا ……. النـاس المريضــه
من .. ســـوادهم ….. و الغـــرور
عـايزه … عسليــه …….. و دوم
عـايزه … بــوزو ….. وشمعــدان
عـايزه .. أفـتّـح …….. كل يــوم
ألقـى … ف الناس ……. الأمــان
وعـايزه .. بالبـاقي …… جيلاتي
و حلـم دافـي ……. و ضحكتين
عـايزه ……. ما احزنش فحياتي
أو .. يعيش .. غيري …. . حزين
عـايزه قلب .. برئ …….. ياعمـو
وكام ضمير …. من جـوه .. رايق
ما يلاقيش … ف الدنيـا … همُُـه
مهما … عـاش .. بين .. الخـلايق
عايزه حب …… مافوهش خوف
عـايزه .. دنيــا …… بدون ديـابه
عـايزه تاني ….. ياعمو .. اشوف
ضحكـة ……. النــاس الغـــــلابه
